[
  {
    "title": "94. Here’s his Health in Water",
    "author": "Robert Burns",
    "lines": [
      "ALTHO’ my back be at the wa’,",
      "  And tho’ he be the fautor;",
      "Altho’ my back be at the wa’,",
      "  Yet, here’s his health in water.",
      "O wae gae by his wanton sides,",
      "  Sae brawlie’s he could flatter;",
      "Till for his sake I’m slighted sair,",
      "  And dree the kintra clatter:",
      "But tho’ my back be at the wa’,",
      "  And tho’ he be the fautor;",
      "But tho’ my back be at the wa’,",
      "  Yet here’s his health in water!"
    ],
    "linecount": "12"
  }
]